ഓണം
ഒരുനാള് മരിക്കാത്ത മുത്തച്ഛനെ നമ്മള്
'ബലി'യാക്കിയുടലൊടെ,പാതാളഭൂവിലേ-
ക്കാഴ്ത്തിയ നടുക്കുന്നോരോര്മ !
ക്രിസ്മസ്
ഗുരുവിനെയൊറ്റിക്കൊടുത്തൊരു ശിഷ്യന്റെ
ഇരുളാണ്ടഹൃദയത്തില്നിന്നും പുറത്തുള്ള
നറുനിലാവിന് സ്നേഹലോകത്തിലേക്കു നാം
പദമൂന്നുമെതോ കിനാവ് !
റംസാന്
വ്യഥതന്നമാവാസി നിറയുന്നകരളില്
നറുചന്ദ്രലേഖതന് ദര്ശനദീപ്തിക്ക്
വ്രതനിഷ്ഠ തന് ചെറുപടവുകളേറി നാം
മിഴിനട്ടുനില്ക്കും പ്രതീക്ഷ!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ